Salida ni Nora Aunor nga Bona niadtong 1980, ipasalida sa Cannes human sa 4K nga restoration niini

Gikatahong mobalik sa Cannes Film Festival ang salida ni National Artist Nora Aunor niadtong 1980 nga Bona.

Dili lang kini ipasalida sa Cannes Classics Section tungod kay mas realistic pa kining tan-awon human sa taas nga proseso sa 4K digital restoration niini sa France.

Ang ika-77 nga edisyon sa Cannes nagsugod karong Martes ug mahuman sa Mayo 25, 2024.

Dugang pa, nga ang digitally restored nga bersyon sa salida gikatakda usab nga ipagawas sa US isip kabahin sa promosyon sa Asian films sa America.

Gani, gitun-an ang posibleng pagbalik niini sa silver screen dinhi sa Pilipinas.

Kahinumduman nga mao usab kini ang naghatag sa Superstar Nora Aunor sa iyang ikaduhang Best Actress award sa Gawad Urian.