Nagkauyon ang mga diplomat sa Association of Southeast Asian Nations (ASEAN) ug China nga mokalma sa gilalisan nga isyu sa kadagatan diin kabahin ang West Philippine Sea.
Naatol usab kini sa ilang panagtagbo sa Thailand alang sa usa ka bag-ong hugna sa panaghisgot bahin sa pag-atubang sa nagkataas nga tensyon sa gilalisan nga kadagatan.
Matod ni Chinese Ambassador to the PH Huang Xilian, ang tanang partido sa Joint Working Group on the Declaration of the Conduct of Parties sa gilalisan nga dagat mipadayag sa ilang pasalig nga mamentinar ang kalinaw ug kalig-on sa rehiyon.
Miuyon usab sila sa pagpadayon ug epektibong pagpatuman sa Deklarasyon sa Panggawi sa mga Partido, pagpadayon sa momentum sa dayalogo ug konsultasyon ug paghuman sa Code of Concust.
