Gihangyo sa Department of Agriculture (DA) ang mga magbabalaod nga suportahan ang P15 bilyon nga usbaw sa Rice Competitiveness Enhancement Fund (RCEF).
Gihatagan og gibug-aton ni Agriculture spokesperson ug Assistant Secretary Arnel de Mesa nga ang bahin sa pundo gamiton alang sa irigasyon ug ayuda sa mga mag-uuma nga dili molapas sa duha ka ektarya nga gitikad nga yuta.
Sa pagkakaron, anaa lang sa P10 bilyones ang RCEF ubos sa gipatuman nga Rice Tariffication Law (RTL) nga matapos karong tuiga.
Giingong dako og natabang ang kasamtangang balaod alang sa produksiyon sa bugas diin matud pa nisaka og 7% ang performance sa sektor sa humay.
Ang orihinal nga bersyon sa RTL anaa lang sa P10 bilyones matag tuig gikan sa taripa nga makolekta sa Bureau of Customs (BOC) gikan sa imported nga bugas maadto sa mga mag-uuma.
Apan misaad una ang mga kongresista nga ilang tan-awonon ang tanang isyu kalabot sa mga pending nga mga balaudnon, aron walay kausaban sa importanteng balaod nga sama niini.
