Giabi-abi ni Speaker Martin Romualdez si Senador Chiz Escudero human matudlo nga Senate president hulip kang Senador Migz Zubiri nga nikanaog sa katungdanan gahapong adlawa.
Gipadayag usab sa Speaker ang iyang kinasingkasing nga pasalamat sa pagdumala ni Zubiri nga nakahimo kini sa pagpasiugda sa panaghiusa sa duha ka kongreso ug sa iyang bililhong serbisyo sa pagkapangulo sa Senado.
Sa paghulagway sa Speaker kang Escudero, miingon kini nga siya usa ka respetado nga tawo sa natad sa politika, naila sa iyang edukasyon nga adunay integridad ug pasalig sa katawhang Pilipino.
Nanghinaot ang Speaker nga magmabungahon ang bag-ong panag-uban sa Senado ug Kamara de Representantes.
Sa pagkakaron tungod kay nag-atubang ang nasud sa lain-laing mga hagit, kini usa ka oportunidad ug pinaagi sa panaghiusa, epektibo kini nga matubag alang sa maayong kaugmaon sa mga Pilipino.
