Gibarugan sa Catholic Bishops Conference of the Philippines (CBCP) nga supak sila sa divorce law sa nasod.
Gitino sa tigpamaba sa CBCP nga si Fr. Jerome Secillano nga ang maong balaod usa ka pagdumili sa ilang mandato sa paghatag og bili sa kaminyoon ug pamilya.
Gitawag pa niini ang maong balaod nga anti-family, anti-marriage and anti-children.
Dugang pa, nga ang diborsyo dili solusyon sa kaminyoon nga nag-atubang ug dagkong mga hagit.
Siya miingon nga adunay mga laing amaagi alang sa gubot nga kaminyoon.
Kahinumduman nga adunay kinatibuk-ang 131 ka mga magbabalaod ang pabor sa maong balaod samtang 109 ang misupak samtang 20 ang ni-abstain.
Giinsistir sa mga magbabalaod nga mipabor niini nga balaod, nga gumikan niini ang kapintasan batok sa mga kababayin-an mapugngan.
