Gidayeg ni Speaker Martin Romualdez si Presidente Ferdinand Marcos, Jr. human naselyohan ang pipila ka importanteng mga kasabotan tali sa Pilipinas ug Brunei.
Ang mga kasabutan gipirmahan atol sa pagbisita ni Presidente Marcos, kauban si Speaker Romualdez sa Bandar Seri Begawan.
Diin lakip niini ang tulo ka memorandum of understanding sa turismo, Mutual Recognition of Standards of Training, Certification and Watchkeeping (STCW) certificates; ug maritime cooperation.
Gipirmahan usab ang Letter of Intent aron pagkumpirmar sa miaging kasabutan kalabot sa seguridad sa pagkaon ug relasyon sa sektor sa agrikultura.
Dungan sa pagsaulog sa ika-40 nga anibersaryo sa diplomatikong relasyon tali sa Pilipinas ug Brunei, si Speaker Romualdez nanghinaot nga mas molig-on ug molambo pa ang relasyon sa duha ka nasod.
