Gipasalig sa Armed Forces of the Philippines (AFP) nga magpadayon ang regular nga pagpatrolya sa ilang mga barko sa West Philippine Sea partikular na sa Bajo de Masinloc.
Kini bisan pa sa kakuwang sa Chinese monster ship o sa China Coast Guard vessel nga adunay bow number 5901 nga nakit-an niadtong milabay nga adlaw.
Matud pa ni AFP Spokesperson Col. Francel Margareth Padilla, base sa ilang monitoring, ang maong monster ship miagi lang sa maong lugar apan matud niya kabahin kini sa ICAD o illegal coercive, aggressive deception sa China.
Dugang pa ni Padilla nga regular nga pagpatrolya sa lugar pinaagi sa mga barko sa Philippine Navy ingon man ang pagpahigayon sa maritime patrols sa Philippine Air Force ug Philippine Coast Guard.
Gipasiugda ni Padilla nga ang AFP komitado sa ilang pasalig nga panalipdan ang soberanya sa nasud, panalipdan ang interes sa rehiyon ug palig-onon ang mga lakang alang sa seguridad sa kadagatan ug pagsiguro sa kaluwasan sa atong mga kaubang mananagat.
