CEBU CITY-Nagplano nga ipatuman ang barcoding alang sa mga produkto nga gibaligya sa mga merkado nga gidumala sa syudad sigon pa ni Konsehal Renato “Junjun” Osmeña nga karon overseer sa Office of the City Markets.
Kini aron makatabang sa pagsubay sa mga koleksyon ug pag-monitor sa pagkaanaa sa produkto sa maong panahon.
Mipamahayag si Osmeña nga ang paggamit sa barcodes makatabang sa pagpalambo sa koleksyon sa mga merkado sa dakbayan.
Midugang ang konsehal nga bisan og dili hingpit nga masundog sa siyudad ang mga gawi sa pribadong mga merkado, ang pagpatuman sa mga barcode mahimong makahatag og efficient transactions tungod kay mahimong mosangpot sa uniporme nga presyo sa mga baligya sa mga mamaligya-ay.
Katuyuan niya nga mopatuman og usa ka sistema sa pagbayad sa mga merkado, aron malikayan ang pagdoble sa koleksyon, nga adunay mga gagmay nga organisasyon nga mangolekta og gamay nga kantidad sa salapi alang sa pagmintinar sa merkado.
Gipangutana bahin sa time frame sa pagpatuman sa iyang mga plano apan si Osmeña niingon nga iyang tuyo nga mapatuman kini sulod sa unom ka buwan sa pamunoan ni Acting Mayor Raymond Alvin Garcia.
Midugang si Osmeña niingon nga ang pagpatuman sa barcoding system wala magkinahanglan og bisan unsang eksternal nga partido sanglit ang Siyudad makadumala niini sa iyang kaugalingon.
Matod niya nga bukas siya sa mga ideya sa ubang mga konsehal kon unsaon pagpalambo sa merkado sa siyudad hinungdan nga iya kining gipresentar alang sa diskusyon.
Sa dihang gipangutana kon gikinahanglan ba ang usa ka resolusyon, si Osmeña niingon nga basin nanginahanglan kini, apan nag-una siya nga nangayo og suporta sa ubang mga opisyal ug personnel nga responsable sa mga merkado sa siyudad.
