Gihatagan og gibug-aton ni Senador Joel Villanueva ang panginahanglan sa paghatag og hinanaling serbisyo sa civil registration sa mga OFW taliwala sa mga taho nga kadaghanan kanila walay access sa ilang mga rekord.
Kalabot niini, gisang-at ni Villanueva ang Senate Resolution 1019 aron tukion ang maong isyu sa Senado.
Gipaambit sa senador ang taho gikan sa mga OFW nga naglisod sa pagtukma sa ilang civil registration records ug ang uban giingnan nga mobalik sa Pilipinas ug ngadto sa mga buhatan sa mga hingtungdang ahensya sa gobyerno aron maproseso ang ilang mga hangyo.
Gitataw sa magbabalaod nga ubos sa tanang kahimtang, ang nalatid sa Republic Act No. 9048 usa ka Balaod nga Nagtugot sa City o Municipal Registrar o sa Consul General sa Pagtul-id sa Clerical o Typographical Error sa usa ka Entry ug pag-ilis sa unang ngalan sa Civil Register nga wala nagkinahanglan og Judicial Order.
Hinungdan nga giinsistir ni Villanueva nga ang pamaagi sa gobyerno ug pagpadali sa pagserbisyo sa mga bag-ong bayani maoy magsilbing gasa aron mabayran ang ilang kontribusyon sa paglambo sa ekonomiya sa nasud.
