Danyos sa sektor sa agrikultura tungod sa pagbuto sa Kanlaon Volcano, niabot sa P151-M

Niabot na sa P151 milyones ang danyos sa sektor sa agrikultura ug pangisda tungod sa pagbuto sa Kanlaon Volcano.

Basi sa Bulletin No. 3 sa Department of Agriculture (DA), moabot sa 5,583.3 metriko tonelada sa mga produkto sa agrikultura ang nangadaot tungod sa ashfall ug lahar flow.

Diin anaa sa 1,595.8 ka ektarya sa humay, mais, kamoteng kahoy, ug tag-as nga mga tanom ang naapektuhan, ingon man ang mga nangamatay nga mga binuhi nga mikabat na sa 118.

Bisan pa niini, gipasalig sa DA nga padayon ang ilang paghatag og hinabang sa mga apektadong mag-uuma ug mangingisda. Lakip sa mga hinabang nga ihatag mao ang mga liso, abono, ug mga pautang.