DA, wala nakita ang pagsaka sa presyo sa bugas

Wala nakita ang Department of Agriculture (DA) ang pagsaka sa presyo sa bugas sa nasod.

Matod sa tigpamaba sa DA nga si Arnel De Mesa, nagpabiling lig-on ang presyo sa bugas, nga anaa sa taliwala sa P48 ug P55 matag kilo.

Gipasabot niini nga anaa kini sa maayong lebel sa imbentaryo sa bugas karong panahona.

Wala usab maapektuhi ang mga kaumahan sa humay sa upat ka bag-ohay nga mga bagyo ug sa habagatan-kasadpang monsoon.

Ingon man nga gipasalig niya nga padayon nilang gibantayan ang mga merkado aron masiguro nga walay molapas sa mga regulasyon pinaagi sa pagpataas sa presyo sa bugas.