Nakurat ug nabalaka ang mga rescue personnel sa Surin, Thailand dihang kalit nga nibangon ang usa ka lalaki nga bag-o lang na-revive ug gidala sa tambalanan gamit ang ambulansya.
Gipahunong sa lalaki ang ambulansya ug dayon midagan, ug mipunit pa og kahoy nga pangbunal sa bisan kinsa nga mosulay ug gukod kaniya.
Una niini ang asawa sa lalaki miingon nga ang iyang bana miinom og tulo ka beer, ug sa ulahi nakit-an nga nagbuy-od sa banyo nga walay panimuot.
Hinungdan, nga ilaha kini nga gikuha gikan sa banyo ug nagpahigayon og cardiopulmonary resuscitation o CPR, nga gidumala sa mga mirespondeng rescuer.
Matod sa usa ka rescuer, na-revive ang lalaki ug gibuka niya ang iyang mga mata apan nagpabiling “unresponsive” mao nga nakahukom sila nga dad-on sa ospital sakay sa ambulansya.
Apan samtang nagdagan ang ilahang gisakyan, ang lalaki kalit nga naulian ug mibakod sa ambulansya.
Gipugos niya sa pagpahunong ang sakyanan, ug dayon nanaog, ug nidagan pauli sa ilang balay.
Nipunit pa og kahoy ang lalaki aron mahadlok ang bisan kinsa man nga mosulay sa pag-gukod kaniya.
Nabalaka ang mga rescuer maong nangayo sila og “rescue” sa kabanay sa lalaki aron makauli kining luwas.
Nakauli na ang lalaki sa ilahang panimalay ug matod niini, nga wala siya masayod giunsa niya pagdagan ang maong gi-lay-on.
Apan nahinumdom siya nga dili siya gusto nga ipadala sa ospital ug gusto na lang nga mopauli.
