MOALBOAL, CEBU-Malampusong nasikop ang duha ka lalaki nga suspek sa illegal possession firearms ug 450 gramos sa gituohang shabu nga mobalor og PhP3,060,000, standard nga presyo sa drugas, atol sa buy-bust operation nga gipahigayon niadtong kadlawon sa Hunyo 16, 2024, sa lungsod sa Moalboal, habagatang bahin sa Sugbo.
Nangulo sa pagkasikop sa maong mga suspetsado mao ang mga personahe sa Provincial Drug Enforcement Unit ug Provincial Intelligence Unit diin nakipagtimbayayong kini sa mga personahe sa Moalboal Police Station sa Cebu Police Provincial Office.
Nakaangkon og minor injuries ang mga suspek human kini misukol ug nakig-away sa mga operatiba atol sa pagkasikop.
Gidala na sila ug gitanggong sa custodial facility sa Moalboal Municipal Police Station ug tukmang kasohan sa kalapasan sa RA 9165 ug RA 10591.
Sa laing bahin, sa managlahing drug-bust operation nga gipahigayon niadtong Hunyo 15, 2024, sa Brgy Dumlog, Talisay City, laing duha ka lalaki nga suspek ang nasikop usab sa mga personahe sa PDEU ug PIU ug Talisay City Police Station.
Nakuhaan ang mga suspek og 180 gramos sa gituohang shabu nga nagkantidad sa standard nga presyo sa drugas nga PhP1,224,000 ug mag-atubang usab kini og tukmang kaso sa kalapasan sa RA 9165.
Kasamtangang gitanggong sila sa custodial facility sa Talisay City Police Station.
Ksamtangang gisumite sa Forensic Unit alang sa eksaminasyon ng tanang ebidensiya nga nakumpiska atol sa operasyon.
