Niabot sa $2.86 bilyon ang dolyar nga gipadala sa mga overseas Filipino workers (OFWs) karong Abril.
Matod sa Bangko Sentral ng Pilipinas (BSP) bisan og mas taas kini og 3.1 porsiyento sa miaging tuig sa samang buwan, mao na kini ang pinakaubos sulod sa 11 ka buwan.
Ang 3.1 porsiyento nga pag-usbaw gikan sa tulo ka porsiyento nga pagsaka sa mga remittance nga gipadala sa mga trabahante nga land-based nga adunay kapin sa usa ka tuig nga kontrata nga anaa sa kapin sa $2.1 bilyon.
Kung diin ang sea and land based nga adunay kapin sa usa ka tuig nga kontrata misaka ug 3.6 porsyento ngadto sa $620-M.
Usa sa makita sa BSP sa pagkunhod sa OFW remittances sa umaabot nga mga buwan mao ang paghinay sa ekonomiya sa US ug ubang kanasuran nga maoy hinungdan nga mawad-an usab og trabaho ang pipila ka OFWs.
