Nagplano og parada sa kadaugan ang Boston Celtics human nila nadaog ang ilang ika-18 nga kampiyonato pinaagi sa pagpildi sa Dallas Mavericks sa 2024 NBA Finals.
Matod ni Boston Mayor Michelle Wu, ang maong victory parade ipahigayon sa adlaw nga Sabado sa oras sa Pilipinas.
Ang parada gikatahong magsugod sa home court sa team sa TD Garden ug molibot sa pipila ka bahin sa Boston sama sa Causeway Street, City Hall Plaza, Boston Common ug kini matapos sa Hynes Convention Center.
Gipangandaman sa kagamhanan sa Boston ang maong parada ilabina ug ilang gipaabot ang grabeng kainit sa panahon.
Wala hisgoti kung kinsa ang motambong sa mga celebrity ug kanhi NBA players o atleta sa nahisgutang parada.
Kahinumdoman nga gipildi sa Celtics ang Mavericks sa Game 5 Finals diha mismo sa ilang homecourt sa Boston.
Niining kadaugan, gitapos sa Celtics ang ilang taas nga panagtabla sa Los Angeles Lakers alang sa labing daghang kampiyonato sa kasaysayan sa NBA.
Si Jaylen Brown giila usab ang giila nga Bill Russell NBA Finals Most Valuable Player Award pagkahuman sa duwa.
