Masaligon si Presidente Ferdinand Marcos Jr. nga mahimong magmalampuson ang tanang atleta sa Pilipinas nga mosalmot sa Paris Olympics.
Atol sa send-off ceremony sa mga atleta nga mosalmot sa Paris Olympics, siya niingon nga malipayon karon ang nasud tungod kay adunay mopataas sa bandila sa Pilipinas.
Gitataw niini nga adunay dakong programa ang gobyerno alang sa mga atleta aron mas molampos pa sila sa mga internasyonal nga kompetisyon sama sa Olympics.
Ang mga atleta mopaingon sa Metz, France eksaktong 35 ka adlaw sa dili pa ang pormal nga pagsugod sa Olympics.
Kung diin ang mga atleta magbansaybansay sulod sa pipila ka semana sa Metz aron ilang ma-master ang klima sa nahisgutang nasod.
Kahinumduman nga mopadala ang nasud og 15 ka mga atleta nga naglakip nila ni EJ Obiena sa athletics, boxer Eumir Marcial, Aleah Finegan, Levi Ruivivar, ug Emma Malabuyo sa gymnastics, ug Samantha Catantan sa fencing, Vanessa Sarno, Elreen Ando, ug John. Ceniza sa weightlifting, Hergie Bacyadan ug Aira Villegas sa boxing, Joanie Delgaco sa rowing ug Carlos Yulo.
