Gikoronahan na ang bag-ong Binibining Pilipinas International 2024 nga si Myrna Esguerra sa Abra kinsa midaog usab og Best in Swimsuit ug Best in Evening Gown sa maong kompetisyon.
Samtang si Jasmine Bungay sa Pampanga mao’y napili nga Miss Pilipinas Globe 2024 ug ang 1st runner-up nga si Christal Dela Cruz sa Zambales ug second runner-up si Trisha Martinez sa Pila, Laguna.
Hot topic ang tanang nahitabo sa maong kompetisyon apan, ang nanguna lang niini kay ang pangutana ni Miss Universe 1969 Gloria Diaz sa Q and A portion nga gi-uyonan usab sa ubang mga beauty queen.
Ang coronation night gitambongan sa mga kanhi Binibining Pilipinas titleholders ug tagsa-tagsa na usab sila nga nisaka sa entablado.
Apil niini sila si Miss Suprational 2013 Mutya Datul, Miss Interconinental 2021 Cindy Obenita, Miss International 1979 Melanie Marquez, Miss International 2013 Bea Rose Santiago, ug Miss International 2016 Kylie Verzosa.
Misaka usab sa stage sila si Miss Universe 1969 Gloria Diaz, Miss Universe 1973 Margie Moran, Miss Universe 2015 Pia Wurtzbach, ug Miss Universe 2019 Catriona Gray.
Ug mao kini ang giisip nga nahimong kasaysayan sa Pilipinas human nga nag-usa ang tanan sa stage alang sa usa ka engrandeng anniversary group photo.
