Gihatagan og gibug-aton ni Senate committee on women, children and family relations chairperson Sen. Risa Hontiveros nga sinugdanan pa lang sa pagpanubag sa balaod sa suspendidong Bamban, Tarlac Mayor Alice Guo o Guo Hua Ping.
Matod ni Hontiveros nga daghan kaayong responsibilidad ang nasuspenso nga mayor ubos sa balaod hinungdan nga angayan nga i-obligar siya sa pag-atubang sa mga isyu nga gibato kaniya.
Giinsister sa panel head, sa kadaghan sa mga bakak ug posibleng krimen ni Mayor Alice ug sa tanang kalambigitan niini sa POGO, dili lang procedural ang ilang pagdakop, kondili kabahin usab sa pag-amping alang sa kaayohan sa mga Pilipino nga nalingla sa mayor sa Bamban.
Alang sa senador, padayon nilang gipaabot sa Senado ang pagtambong ni Guo sa sunod nga pagdungog, apil na ang tanang tawo sa listahan nga gitumbok nga contempt.
Dugang pa sa magbabalaod nga ang pagtago dili makapapas sa kamatuoran ug molutaw usab kini, diin mas mograbe ang kaso sa mga nalambigit sa ilegal nga operasyon sa POGO.
