Nahimong emosyonal si Senador Pia Cayetano human sa pamahayag ni Senador Risa Hontiveros nga “daw walay nahitabo” kabahin sa insidente sa pagpamusil sa Senado sa miaging semana.
Sumala ni Cayetano, ang pamahayag nakapasakit pag-ayo kanila tungod alang sa mga nanambong sa Senado, daghang nahitabo ug gibati nila ang grabeng kahadlok.
Nagluha usab nga gi-comfort ni Sen. Loren Legarda si Sen. Pia samtang iyang nahinumduman ang pagpamusil nga nahitabo sa Senado.
Apan, giklaro ni Sen. Risa Hontiveros ang iyang naunang pahayag bahin sa insidente sa pagpamusil sa Senado, human sa emosyonal nga reaksyon ni Sen. Pia Cayetano.
Sumala ni Hontiveros, nasabtan niya ang mga gibati ug kasinatian sa iyang kaubang senador, ug ang iyang punto nagtumong sa kasamtangang sitwasyon human sa insidente nga nakahatag og kahadlok ug negatibo nga mga emosyon.
Gipasiugda usab niya nga ang iyang pahayag wala naka-focus sa personal nga mga gibati sa iyang mga kauban sa Senado, apan sa institusyonal nga baruganan sa Senado.
