PILIPINAS-Niabot na sa 117,676 ka mga pamilya ang kompirmadong naapektuhan sa Southwest Monsoon and Low Pressure Area (LPA) sa lainlaing dapit sa nasod.
Basi sa report nga gipagawas sa National Disaster Risk Reduction and Management Council (NDRRMC), nga katumbas kini sa 572,997 ka indibidwal.
Gikan sa 429 ka mga brgy gikan sa Mimaropa, Regions 7, 9, 10, 11, 12, ug Bangsamoro Autonomous Region in Muslim Mindanao (BARMM).
Sumala sa NDRRMC, 5,395 ka pamilya o katumbas sa 22,253 ka mga tawo ang anaa sa evacuation centers.
Diin adunay 65,739 ka pamilya o katumbas sa 327,001 ka mga apektado nga nipili nga dili moadto sa mga evacuation centers. Kini, matod sa konseho, gitanyagan gihapon og tabang.
Sa pagkakaron ang kumpirmadong ihap sa namatay nagpabilin sa upat.
Gikan sila sa Rehiyon 9, ug Rehiyon 10, samtang padayong gi-verify ang naasoy nga mga kaswalti sa Rehiyon 11 ug BARMM.
Kung kini makumpirmar, ang kinatibuk-ang ihap sa mga nangamatay moabot sa 7.
