CEBU CITY-Gipadayon sa kagamhanang dakbayan sa Sugbo ang programang pabalay niini sa mga lungsuranon sa siyudad nga nag-ngalan Kada Pamilya Adunay Pinuy-anan kon K-PAP program.
Kini agig solusyon sa mga lumulupyo sa dakbayan kinsa nagpuyo apan way kaugalingon luna nga katukoran sa ilang kaugalingong panimalay.
Sa pamahayag ni Cebu City Division for the Welfare of the Urban Poor (DWUP) Executive Director Atty Ronald Anthony Librando diin ang programang pabalay sa dakbayan nagsubay sa balaudnong RA 7279 o mass giila nga “An Act to Provide for a Comprehensive and Continuing Urban Development and Housing Program”.
Kini nagmando sa mga lokal nga kagamhanan nga sa pagrehistro sa mga residente sa ilang lugar nga nanginahanglan og kapuy-an.
Dugang sa opisyal nga pwedeng makaparehistro sa buhatan sa DWUP ang katong dugay nang milupyo sa dakbayan apan nangabang lang o walay permanenting panag-iyang balay.
Nanghinaot ang opisyal nga mas mudaghan ang magparehistro karon itandi niadtong tuig 2012 dii mikabat sa 16-mil ang natala sa census sa dakbayan ang walay kaugalingong panag-iyang panimalay.
