Gibarugan ni Senador Sherwin Gatchalian nga alang sa kaayohan sa mga estudyante ug magtutudlo ang paghunong sa paggamit sa mother tongue isip lengguwahe sa pagtudlo sa Kindergarten hangtod sa Grade 3.
Tungod sa nakitang mga kakulian sa pagpatuman sa mother tongue-based multilingual education (MTB-MLE) sa milabay nga napulo ka tuig, gipasiugda ni Gatchalian nga gikinahanglan ang kausaban sa palisiya.
Matud pa ni Gatchalian nga upat na ka hearing ang gihimo sa komite kalabot sa implementasyon sa MTB-MLE, diin gihatagan og kahigayonan ang mga stakeholders nga ipakita nga ang polisiya kay haom sa gitawag nga multilingual setting sama sa Pilipinas diin daghang pinulongan ang gigamit.
Gawas sa daghang konsultasyon sa mga stakeholders, si Gatchalian nagpahigayon usab og upat ka focus groups, usa sa National Capital Region (NCR), Luzon, Visayas, ug Mindanao, diin ang mga magtutudlo, school heads, regional directors, ug mga ginikanan.
Gihatagan og gibug-aton ni Gatchalian nga ang teorya wala nagsuporta sa paggamit sa mother tongue isip medium sa pagtudlo sa usa ka lugar diin daghang mga pinulongan ang gigamit.
Gumikan ang tanan nga mga pagtuon nga gipresentar sa upat ka mga pagdungog gihimo sa monolingual nga mga setting o mga lugar diin usa lamang ka pinulongan ang gisulti.
