Daghang mga prominenteng personalidad ang gipaabot nga mamulong para sa ikaduhang adlaw sa Democratic National Convention sa panahon sa pangampanya sa Estados Unidos.
Pipila niini mao sila si kanhi US President Barack Obama, kanhi first lady Michelle Obama, second gentleman nga si Doug Emhoff ug pipila ka dagkong politiko.
Gilauman nga mohatag sila sa ilang pakigpulong sa suporta ngadto kang US Vice President Kamala Harris kinsa ilang kandidato pagka presidente ug iyang running mate nga si Minnesota Governor Tim Walz.
Kahinumduman nga sa unang adlaw sa DNC, nanguna si US President Joe Biden ug kanhi First Lady Hillary Clinton sa pagpadayag sa ilang suporta kang Harris.
Samtang ang kakompetensya ni Harris nga si kanhi Presidente sa US nga si Donald Trump, naa sa Howell, Michigan ug ang iyang running mate nga si Senador JD Vance, mangampanya sa Kenosha, Wisconsin.
