Taylor Swift, nabalaka human nga kanselahon ang show sa Austria tungod sa hulga sa terorismo

Wala gilimod ni Taylor Swift nga nakasinati siya og tumang kahadlok human nakanselar ang iyang concert sa Vienna, Austria tungod sa hulga sa terorismo.

Sa social media account sa singer, nakonsensya siya tungod kay daghan na sa iyang mga fans ang nakapalit na og ticket ug naghinam-hinam nga makakita niya.

Nagpasalamat siya sa mga awtoridad sa pagpugong dayon sa bisan unsang hulga sa terorismo.

Wala na kini matago sa iyang kasagmuyo sa pagkanselar sa tulo ka gabii nga show apan talagsaon gihapon ang kahadlok niini.

Ang 34-anyos nga singer nahuman na sa iyang ‘ERAS Tour’ sa Europe sa iyang show sa London.