Gitumong sa Presidential Anti-Organized Crime Commission ang pagkalot ug pagpangita sa mga patayng lawas sa 12 ka mga langyaw nga giingong gilubong sa compound sa Lucky South 99.
Matud ni PAOCC Spokesperson Winston Casio nga ang mga gilubngan sa 12 kay gitumbok sa pipila ka mga saksi.
Basi sa inisyal nga imbestigasyon sa komisyon, ang mga langyaw nga gilubong sa compound giingong nagtrabaho kaniadto sa POGO hub.
Sa pagkakaron, gisusi na sa komisyon kung unsa gayud ang nahitabo kanila, pagkahuman sa ilang pagpatay ug pagkahuman gilubong sulod mismo sa compound.
Dugang ni Casio, nakig-alayon na usab ang komisyon sa Philippine National Police alang sa posibleng record sa mga langyaw nga gipatay sulod sa compound.
Una nang ni-apply ang komisyon og search warrant gikan sa korte aron adunay legal nga basehanan sa pagkubkob sa nahisgutang compound, nunot sa testimonya sa mga testigo nga unang mitumaw.
