BEIRUT/JERUSALEM-Gipunting nga mga Hezbollah commanders sa Beirut sa gilusad nga airstrike sa Israel kay nakapatay na og labing menos 37 ka mga tawo, diin lakip niini ang tulo ka mga bata ug pito ka mga babaye.
Mao kini ang gitaho sa Lebanese health ministry ug hangtud karon padayon ang gipahigayon nga rescue operation sa mga missing.
Samtang sa gipagawas nga habig sa Hezbollah diin adunay kinatibuk-ang 16 ka mga miyembro niini lakip ang senior leader nga si Ibrahim Aqil ug laing top commander, si Ahmed Wahbi sa mga namatay.
Ang mabug-at nga cross-border strike nagpadayon niadtong Sabado, uban sa mga Israeli warplane nga naghimo sa pipila sa pinakabug-at nga pagpamomba sulod sa 11 ka bulan nga pagpakig-away sa tibuok habagatan sa Lebanon ug ang Hezbollah nga nag-angkon og mga rocket attack sa mga target sa militar sa amihanan sa Israel.
Ingon man nga ang mga strike niadtong Biyernes maoy nagpasamot sa panagbangi tali sa Israel ug Hezbollah, ug nagpahamtang og laing hampak sa Hezbollah human sa duha ka adlaw nga pag-atake karong semanaha diin ang mga pager ug walkie-talkie nga gigamit sa mga miyembro niini mibuto.
