Gitaktak si SAGIP Partylist Representative Rodante Marcoleta isip sakop sa lima ka gamhanang komite.
Gipahibalo kini sa Kamara sa mga Representante sa wala pa ang sesyon gikan kagahapon.
Gisang-at ni House Deputy Majority Leader ug Iloilo City Rep.Jam Baronda ang pagpalagpot kang Marcoleta gikan sa Commission on Appointments (CA) ug sa mga committee on energy, justice, public accounts, ug constitutional amendments.
Gitangtang usab si Marcoleta isip bise chairman sa Committee on Good Governance and Public Accountability.
Gipili sa ubos balay balaoranan si Manila Teachers partylist Rep. Virgilio Lacson nga hulipan ang representante sa Sagip.
“Mr. Speaker, on the part of the majority, I move to nominate and elect to the Commission on Appointments, to the Committee on Energy, to the Committee on Justice, to the Committee on Public Accounts and (the Committee on) Consti Amendments Representative Virgilio Lacson vice Rep. Rodante Marcoleta, so move,” matod ni Baronda.
“Is there any objection? The chair hears none, the motion is approved,” matod ni House Deputy Speaker ug Cebu 5th District Representative Duke Frasco, kinsa maoy nangulo sa session.
Kahinumduman nga usa si Marcoleta sa midepensa kang Bise Presidente Sara Duterte dihang giimbitar sa komite sa kuwestiyonableng paggasto sa pundo niini sa DepEd niadtong 2022 ug sa OVP.
