ISRAEL-LEBANON,WAR- Gibombahan sa Israel ang sentrong distrito sa Beirut, Lebanon diin mipatay kini ug 6 ka tawo.
Gawas pa sa namatay, ang mga opisyal sa panglawas sa Lebanese nagtaho usab nga 7 ka mga tawo ang nasamdan sa maong pag-atake.
Sumala sa Israel, naghimo sila og tukma nga ‘air strike’ sa kaulohan sa Lebanon ug gitarget ang usa ka building sa distrito sa Bachora duol sa parlamento.
Kini ang labing duol nga naigo sa usa ka air strike sa Israel sa sentro nga distrito sa lungsod sa Beirut.
Samtang tulo ka mga missile usab ang miigo sa habagatang suburb sa Dahiyeh, nga nagsilbi nga kuta sa Hezbollah sa habagatang Beirut, diin ang lider sa Hezbollah nga si Hassan Nasrallah gipatay sa miaging semana.
Dugang pa, nga sa habagatang bahin sa Lebanon, ang militar sa Israel nipasidaan nga magpadayon ang ilang mga air strike.
Kahinumduman, nga gisugdan sa Israel ang ground invasion sa habagatang Lebanon karong semanaha ug gikumpirma kagahapon nga 8 sa ilang mga sundalo ang napatay sulod sa Lebanon.
