Kapin 400,000 ka mga tawo, namakwit gikan sa Lebanon – UN migration agency

Gikatahong mokabat sa kapin 400,000 ka mga tawo ang namakwit gikan sa Lebanon sulod sa duha ka semana tungod sa mga pag-atake sa Israel.

Mao kini ang gipaambit sa International Organization for Migration (IOM).

Dugang sa ahensya nga ang mga tawo nagpadayon sa ilang tumong nga makalingkawas sa mga panagsangka sa Lebanon bisan paman nga ang ilang mga makit-an nga lugar nga naghuot na.

Ingon man nga labaw sa 165,000 ka mga indibidwal ang nangita ug dangpanan sa 906 nga mga kolektibong puy-anan sa tibuuk nasud.

Tungod sa nagkadako nga humanitarian crisis, ang IOM nanawagan alang sa internasyonal nga suporta, hilabi na nga nagkalapad ang panginahanglanon sa nasud aron masiguro ang kaluwasan ug dignidad sa mga pamilya nga nawad-an.