Sparkle GMA Artist Center, miako sa responsibilidad nunot sa viral-video niini nga mikanta sulod sa simbahan

Mipagawas og statement ang Sparkle GMA Artist Center diin miako sa hingpit nga responsibilidad human nga nag-viral ang singer-actress nga si Julie Anne San Jose sa pag-perform sa Nuestra Señora del Pilar Parish Church sa Mindoro.

Nakuha ni San Jose ang atensyon sa mga netizen human ni-perform sa usa ka event sa simbahan nga nakabase sa Mindoro diin usa sa mga gikanta niini mao ang “Dancing Queen”.

Kini ang hinungdan nga gi-uwan karon og pagsaway ang aktres tungod sa dili makaangayon nga lugar.

Dali kining mikatap sa social media ug nakaani og nagkandaiyang reaksyon sa netizens diin kadaghanan puro negatibo.

Matud sa management nga giangkon niini ang panghitabo tungod kay wala kini matarong og coordinate sa organizers.