Nangayo og pasaylo ang self-confessed drug lord nga si Kerwin Espinosa kang kanhi Senador Leila De Lima tungod sa iyang paghatag og gibug-aton sa illegal drug trade sa nasud.
Gihimo kini ni Espinosa, sa iyang pag-atubang sa hearing sa House Quad Committee kalabot sa mga kaso sa extrajudicial killings o EJKs.
Nanghinaot si Espinosa nga mapasaylo siya ni de Lima kay nadala siya o nagbinuang kaniadto, dihang daw duna’y mipugos kaniya nga ilambigit sa ilegal nga drugas ang kanhi Senador bisag walay kamatuoran.
Gihisgotan usab ni Kerwin ang usa ka hulagway uban ni de Lima nga naatol lang nga nagsuroy-suroy ang iyang pamilya sa Baybay ug didto sila nagkita ni de Lima ug nagpakuha og hulagway.
Hinuon, giingong ebidensya kini aron ma-pressure si de Lima.
Kahinumduman nga si de Lima nasikop ug napriso sa 3-counts nga kaso nga may kalambigitan sa drugas.
Kung diin, gibasura sa Muntinlupa Regional Trial Court.
Sa laing bahin, dihang mitunga si Kerwin sa ‘quad comm’ iyang giangkon nga gipahimangnoan siya sa iyang amahan nga si kanhi Mayor Rolando Espinosa nga dili na mobalik dinhi sa nasud tungod kay gibati niya nga adunay dautang mahitabo kaniya.
Gikumpirmar sa PDEA nga anaa sa drug list sa maong ahensya ang pamilya Espinosa.
