DUMAGUETE, NEGROS ORIENTAL-Gituohang mipabuto og armas sulod sa lawak-klasehan ang usa ka tinun-an sa Grade 7 sa dakbayan sa Dumaguete, probinsya sa Negros Oriental niadtong Biyernes sa udto, Oktubre 11, 2024.
Nahitabo kini partiukar sa Negros Oriental High School nga matod pa nakugang ang tanan sulod sa maong tunghaan sa kalit nga lagobo sa pagpabuto sa armas.
Gikumpirar kini nga panghitabo ni Police Major Fortunato Villafuerte, kinsa ang Deputy Chief sa Dumaguete Police Station.
Matod sa ni Major Villafierte nga nadawat nila ang maong taho pasado alas 12:42 sa udto niadtong adlawa.
Base sa ilang malusad nga imbestigasyon ngaadunay usa ka estudyante ang nagdala ug armas sulod sa iyang bag dayong gihulbot niya kini og gitutok sa bintana nga dapit dayon gipabuto.
Maayo nalang og walang naangol sa maong panhitabo apan gikustodiya dayon sa City Social Welfare and Development Office (CSWDO) sa kagamhanang sa dakbayan sa Dumaguete ang tinun-an aron sa pagpahamtang og atensyon sa batan-on.
Nakuha sa kapulisan gikan sa crime scene ang usa ka basiyo sa bala ug ang kalibre .45 nga pistola nga gigamit sa menor de edad.
Duda sa mga awtoridad nga panag-iya sa kabanay sa batan-on ang maong armas nga walay pagpananghid sa hingtungdan.
Apan padayon gihapon ang imbestigasyon s amga kapulisan sa maong insidente.
Una niini, gipanghimakak sa tunghaan ang insidente sa ilang opisyal nga pamahayag, sukwahi sa impormasyon nga mikatap sa internet.
