Girekomendar ni Solicitor General Menardo Guevarra nga ang mga ebidensiya o findings sa House Quad Committee kalabot sa war on drugs sa Duterte administration kay i-turn over o isumiter ngadto sa mga executive agencies sama sa Department of Justice o Office of the Ombudsman alang sa katugbang nga imbestigasyon ug dili sa International Criminal Court (ICC).
Gipasabot sa SolGen nga ang DOJ ug Ombudsman adunay mandato sa pag-imbestigar sa mga resulta sa mga komite sa kongreso nga may kalabotan sa mga kriminal nga butang ug didto na mosulod ang Office of the SolGen.
Ang SolGen mihimo sa maong pamahayag human si kanhi Kongresista ug kasamtangang abogado sa mga biktima sa EJK, nga si Atty. Neri Colmenares nga kinahanglang i-turn over ang mga testimoniya ni Ret. PCol. Royina Garma ug self-confessed drug lord Kerwin Espinosa ngadto sa ICC.
Aron nga masiguro nga masusi si kanhi Presidente Rodrigo Duterte ug kanhi PNP chief ug karon Sen. Bato Dela Rosa nga may kalambigitan sa dugoong gubat batok sa drugas nga miresulta sa kamatayon sa 30,000 ka indibidwal basi sa datus gikan sa human rights groups.
Hinuon, si Executive Secretary Lucas Bersamin niinsistir nga dili na mobalik ang Pilipinas sa ICC bisan pa sa mga apela ni Presidente Ferdinand Marcos Jr. nga isumiter ang findings sa imbestigasyon sa House Quad Comm sa maong international body.
