Giingon nga gibati og konsensya ang 36-anyos nga lalaki kinsang misulod sa balay sa iyang silingan sa Monmouthshire, Wales.
Giila kini nga si Damian Wojnilowicz, 36-anyos.
Apan, basi sa taho nga nisulod ni Damian sa balay ug nakita niini nga adunay labhanan ang tag-iya hinungdan nga iya kining gilabhan ug gihay-hay ang mga sanina.
Gibutngan usab og feeds ni Damian ang bird feeder aron makakaon ang mga binuhing langgam niini.
Sunod nga gibuhat ni Damian kay gipanglabay ang mga basura nga nagkatag sa recyle bin ug sa sawog.
Nabantayan usab niini nga wala pa gisulod sa tag-iya ang mga pinalit niini nga groceries ug iya kining gitagsa-tagsa pagbutang sa Refrigerator.
Ug katapusan nga gibuhat niini mao ang pagpang mop ug ang pagluto.
Ingon man nga dakong kakurat sa tag-iya nga dako ang kausaban sa iyang balay kay nalimpyo na apan naghatag kini og kahadlok kaniya.
Sa pagcheck niini sa CCTV iyang nakita si Damian hinungdan nga iya kining gireport sa police.
Gipasakahan og kasong burglary si Damian ug nahukman nga guilty sa korte bisan paman wala kini gikuha nga mga butang apan nagdala kini og kahadlok sa biktima.
Nasuta nga wala diay kapuy-an si Damian ug upat na kini ka higayon nga napriso tungod sa mga kasong common assault, public order offenses, ug pakyas sa pag surrender.
Apan wala pasayloa si Damian sa biktima hinungdan nga gipahamtangan kini og 22 months sa pagkapriso.
