Iya Villania, nabalaka sa iyang ika-lima nga gimabdos

Giangkon ni Iya Villania nga gikulbaan kini sa iyang ikalima nga pagmabdos sa anak nila ni Drew Arellano, ilabi na nga wala na siya nagkabata.

Apan, bisan pa niini, masaligon siya sa katakos sa iyang lawas nga magmalampuson kining pagmabdos.

Hingpit usab kini nga nangandam alang sa iyang pagpanganak, sama sa pag-ehersisyo ug pagbaton sa husto nga panghunahuna.

Ingon man nga malaumon si Iya nga smooth ang iyang pregnancy, sama sa iyang nasinati sa miaging upat ka mga anak.

Kung kahinumdoman, gianunsyo nila ni Iya ug Drew ang ilang ikalima nga pagmabdos niadtong Setyembre, uban sa ilang mga anak nga sila si Primo, Leon, Alana, ug Astro.