Gipaniguro sa Securities and Exchange Commission (SEC) nga nakig-alayon sila sa mga law enforcement bodies sa gobyerno aron gukdon ang mga scam ug gaming hubs sa Pilipinas.
Sa bahin sa SEC, ilang gi-revoke ang mga lisensya sa pipila ka mga kompanya nga nag-empleyo og mga operator sa illegal nga sugal o bisan kadtong adunay rehistrasyon sa SEC apan nalambigit sa mga scam.
Matod ni SEC Comm. McJill Bryant Fernandez nga nakig-alayon sila sa mga sangay sa gobyerno aron epektibong mapatuman ang tukmang aksyon.
Gianunsyo usab sa SEC nga ang mga scam ug uban pang mga modus nga kaylap ug biktima sa kadaghanan, bisan sa wala pa ang pandemya, anam-anam nga nagkunhod.
Usa ka rason nga nakita sa opisyal mao ang agresibong aksyon sa pagpatuman sa balaod.
Aduna pa’y ubang mangingilad nga napriso ug gipasirad-an ang mga kompanya nga gioperahan sa ilegal nga paagi.
