LAPU-LAPU CITY-Makapanghimolos sa libreng medisina ang mga indigent nga mga senior citizens sa dakbayan sa Lapu-Lapu sugod karong adlawa sa Lunes, Oktubre 21, 2024.
Kini ang anunsyo sa kagamhanag dakbayan human milagda sa kasabutang si Lapu-Lapu City Mayor Junard “Ahong” Chan sa usa ka pribadong botika sa pagdalit ug libreng tambal mga programa.
Pagalangkoban kini sa tulo sa mga pribadong botika nga adunay branches sa Barangay Basakm Carajay, ug Ibo.
Miisyu sab sa kamandoan si Mayor Chan sa Executive ORder 2024-49 nga naglatid sa sumbanan sa pag-avail sa tambal ubos sa Medical Assistance to Indigent and Financially Incapacitated Patients Program (MAIFIPP).
Ang mando nagtakda sa mga pamatasan alang sa mga benepisyaryo nga kwalipikado alang niini nga tabang.
Ubos sa EO, ang mga benepisyaryo kinahanglang maklasipikar nga “indigent” ug kinahanglang bonafide nga mga lumulupyo sa dakbayan sa Lapu-Lapu aron mahimong kuwalipikado alang sa medikal nga suporta.
Ang mga in-patient sa Lapu-Lapu City Health Office angayan usab nga makadawat og libreng serbisyo sa tambal samtang naospital, diin ang kinatibuk-ang galastuhan niabot sa P5,000.
Samtang, ang mga out-patient makadawat og libreng tambal nga mobalor og P3,000.
Dugang pa sa Mayor nga “daghang mga pribadong botika ang moapil sa inisyatiba” sa paghatag ug libreng serbisyo sa tambal sa umaabot nga panahon.
