Gipa-imbistigahan ni Sta. Rosa, Laguna Representative Dan Fernandez sa Office of the Solicitor General ang kontrata nga gisudlan sa Philippine Statistics Authority (PSA) sa pribadong service provider nga nagkantidad og P5 bilyones.
Matod ni Fernandez, nga 10 ka tuig na ang maong service provider nga gipanag-iya sa usa ka pribadong kompanya nga gitawag ug Unisys.
Dugang ni Fernandez, delikado ang matag profile sa mga Pinoy nga moagi sa service provider.
Gumikan niini, gihangyo ni Fernandez si Solicitor General Menardo Guevarra nga susihon ang maong kontrata sa PSA.
Gipadayag usab niini nga ang Unisys Corpration base sa report sa US Federal Bureau of Investigation adunay kaso batok kanila.
Ingon man nga wala na gidetalye ni Fernandez ang nahitabo sa Unisys.
Ang pamahayag ni Fernandez nunot sa gibutyag sa Quad Comm hearing nga daghang Chinese nationals ang nakakuha og birth certificate pinaagi sa late registration policy.
