MINGLANILLA,CEBU- Nasangad ang usa ka Cargo Vessel sa baybayon sa Sitio Noah, Barangay Calajoan, lungsod sa Minglanilla sa habagatang Sugbo tungod sa kusog ug dagkong balod sa kadagatan nga hatod sa bitad ni Severe Tropical Storm KRISTINE sa Miyerkules, Oktubre 23, 2024.
Ang maong Cargo Vessel kay giilang “LCT Golden Bella” kinsa nasangad sa baybayon human wala maka-angkla ug tarong.
Gi-inspect sa pagkakaron kung adunay bay kadaot sa hull niini.
Sa eksklusibong pakighinabi sa Bombo Newsteam kang CG Ensign Abel Lomboy, ang tigpamaba sa PCG District Central Visayas kung diin tataw niini nga napadpad ug nasangad ang maong barko human nga maputol ang duha ka mga angkla nga naggunit niini.
Ang mga personahe sa Philippine Coast Guard Sub-station Minglanilla kay miresponded sa aron sa pag-monitor sa sitwasyon kung angay ba kining preparasyonan sa posibling oil spill sa dapit tungod sa insidente.
