Naglaum gihapon si House Quad-Committee Overall Chair Robert Ace Barbers nga makonsiderar gihapon ang iyang sugyot nga “bicam” nga imbestigasyon sa pakigbatok sa ilegal nga drugas sa miaging administrasyon.
Kini bisan og namahayag si Senate President Francis “Chiz” Escudero nga dili kini mahitabo tungod sa managlahing lagda sa Kamara ug sa Senado.
Matod ni Barbers, nga mahimong mag-estorya ang duha ka mga lider sa assembly aron suspindihon ang ilang tagsa-tagsa ka mga lagda ilabi na kay “of national importance” ang maong butang.
Dugang pa niini nga mamahimo usab nga hisgutan nila ni Speaker ug Senate President arun kung mosugot sila, suspensuhon dayon ang rules ug mugnaon ning gitawag nga ‘historic unprecedented joint committee investigation’.
Kahinumduman nga buwan sa Agosto gisugdan ang pag-imbestigar sa Quad Comm sa isyu sa illegal POGO, illegal drugs ug extrajudicial killings samtang ang Senate Blue Ribbon Committee magsugod na sa ilang hearing karong adlawa, Oktubre 28.
