19 patay sa pagbangga sa bus ug trak sa Mexico

Patay ang 19 ka mga tawo human sa bangga tali sa usa ka trailer truck ug usa ka bus sa Mexico.

Ang insidente nahitabo sa Zacatecas state diin laing unom ka mga pasahero ang naangol.

Basi sa imbestigasyon sa mga otoridad, nga nabanggaan sa bus ang trailer truck nga gikargahan og mais.

Tungod sa kusog nga pagbangga nahulog kini sa pangpang ug nalagpot sa bintana sa sakyanan.

Nagpadayon pa ang imbestigasyon sa mga otoridad sa maong aksidente.