Gikumpirmar sa Lebanese Health Ministry nga dul-an sa 60 ka mga tawo ang namatay sa mga pag-atake nga gilunsad sa Israel sa eastern Bekaa valley sa Lebanon.
Sumala sa mga opisyal, 2 ka bata ang lakip sa namatay sa mga strikes nga miigo sa 16 ka lugar sa rehiyon sa Baalbek.
Matud sa Ministry, adunay 58 ka mga indibidwal ang nasamdan, diin ang mga paningkamot sa pagluwas nagpadayon sa valley diin kuta sa
mga militanteng Hezbollah.
Hangtod karon wala’y gipagawas nga komento ang militar sa Israel bahin sa pag-atake.
Samtang, giisip ni Baalbek governor Bachie Khodr nga ang mga pag-atake kay maoy labing grabe sukad sa panagbangi sa miaging buwan tali sa Israel ug Hezbollah.
Kinahanglang hinumdoman nga ang Israel naglunsad og libu-libo nga mga strikes sa Lebanon sa miaging 5 ka semana nga gipunting ang mga operatiba, imprastraktura ug mga hinagiban sa Hezbollah.
