CEBU CITY-Nagpadayon kapulisan sa ilahang inspeksyon sa sementeryo isip kabahin sa pagsaulog sa All Souls’ and All Saints’ Day, kung diin una nga gi-ronda gihimo sa Carreta Cemetery, dakbayan sa Sugbo, Sabado, Nobyembre 2, 2024.
Kung diin si PCOL ANTONIETTO YBAÑEZ CAÑETE, City Director sa Cebu City Police Office, maoy nangulo sa maong mga paningkamot.
Gihatagan niinin og gibug-aton ang kamahinungdanon sa pagkamabinantayon ug pagkaalerto niining panahona aron mapugngan ang bisan unsang posibleng dili maayong pamatasan.
Sa pagsulat niining balitaa, padayon nga malinawon ang paghandom sa kalag-kalag 2024 sa Dakbayan sa Sugbo, butang nga gikalipay sa kapulisan.
Samtang sa pikas bahin, nakatala og pipila ka emerhensya sa atensyong medikal ang mga bisita sa mga sam-ang sa dakbayan sa Sugbo gahapong adlawa sa All Souls’ Day (Adlaw sa mga Kalag).
Sa eksklusibong pakighinabi sa Bombo Newsteam kang Police Lt Ray Ramos, ang Deputy Station Commander sa Abellana Police Station 2 kinsa nadestino sa Carreta Cemetery diin dunay pipila ka mga indibidwal ang natala nga nakuyapan sa ilang day-to-day assessment sa maong sam-ang.
Ingon man dili man hinuon kini dakong hulga sa ilang kalawasan apan mipahimangno ang mga awtoridad sa higayong adunay kasaysayan sa mga sakit sama sa highblood kay magdala ug payong pangontra sa kainit, pagdala og kauban, ug likayan ang dagsa mga tawo.
Gipanglantawan usab sa mga awtoridad nga mas mudagsa pa ang panon sa tawo pag-abot sa hapon o gabii tungod kay mao kini nga adlaw ang katapusang pag-obserbar sa kalag-kalag.
