Mamahimo na nga mabag-o sa mga Germans ang ilang legal gendar nunot sa bag-ong balaod nga gidayeg nga usa ka makasaysayanon nga lakang alang sa komunidad sa LGBTQ.
Ubos sa Gender Self-Determination Act, ang bisan kinsa mahimong makausab sa ilang ngalan o legal gender pinaagi sa paghimo og simple application sa ilang local registry office.
Gipulihan sa lehislasyon ang usa ka balaod nga nailhan nga Transsexuals Act nga nagsugod kaniadtong sayong bahin sa 1980s, diin ang mga Germans nga gusto magbag-o sa ilang gender kinahanglan nga magsumiter og duha ka sikolohikal nga mga taho ug maghuwat alang sa desisyon sa korte.
Diin anaa sa 15,000 ka mga tawo ang nakasumiter na sa mga aplikasyon aron mabag-o ang ilang gender sa dili pa magsugod ang balaod.
Ubos sa bag-ong balaod, ang mga tawo nga gustong mag-ilis sa ilang legal nga gender mahimong mohimo og aplikasyon nga dili na kinahanglang mohatag og rason o mohatag og bisan unsang medikal nga impormasyon.
