CEBU CITY- Nagpadayon gihapon ang ubang units sa Kapulisan sa Sugbo, sa ilahang tahas, kini bisan paman sa special deployment of police units sa nahitabong Kalag-kalag-2024.
Kini ang gitino ni Police Colonel Antonietto Cañete, ang City Director sa Cebu City Police Office sa eksklusibong pakighinabi sa Bombo Newsteam, nga gihingusgan sa Drug Enforcement Units ug Wanted Persons tracking team ang ilang operation.
Hinungdan, nga ang Cebu City Police, adunay Accomplishments sa illegal drugs, illegal gambling, loose firearms, ug pagdakop sa mga wanted person sugod Oktubre 25-31, 2024.
Kung diin, ang Drug Enforcement Units nipahigayon og 40 ka mga operasyon hinungdan sa pagkasakmit sa anaa sa 442.16 grams, ug pagkasikop sa 43 ka mga indibidwal.
Samtang, sa Loose Firearms, nakahimo sila og Lima ka operasyon, ug nasikop ang anaa sa lima ka indibidwal, gisakmit o Nabawi usab ang lima ka pusil nga walay lisensiya.
Sa Illegal Gambling, adunay 53-Operasyon nga gipahigayon ug nadakpan ang anaa sa 59 ka mga sugarol, ug nasakmit ang anaa sa P4,357.00 nga beating money.
Samtang ang Wanted Persons tracking team, nakasikop ug anaa upat ka Most Wanted Person ug laing 20, ka Wanted person sa ilahang 27 ka Operasyon nga gipahigayon sulod lamang sa usa ka semana.
Dinhi, gidayeg ni Col. Cañete ang kapulisan sa ilahang malampuson nga pagpangita sa mga criminal ug nanghinaot ang opisyal sa kooperasyon sa publiko aron mapadayon ang kalinaw ug kahapsay sa Dakbayan sa Sugbo.
