LAPU-LAPU CITY-Girespodehan sa mga sakop sa Lapu-Lapu City Rescue ug Bureau of Fire Protection Lapu-Lapu City Fire District uban sa Barangay Fire Brigade ang pasilidad sa pabrika sa General Milling Corporation sa M.L. Quezon National Highway, Barangay Pajo, dakbayan sa Lapu-Lapu human sa taho nga nasunog kini kagahapong adlawa sa Lunes, Nobyembre 4, 2024.
Na-report ang maong sunod alas 8:36 sa buntag og mayo nalang dali kining nakontolar sa mga sakop sa kabumberohan nga miresponde.
Base sa pagsubay sa panghitabo, naabot ang mga kabumberohan pasado alas 8:40 sa buntag nga girespondehan sa siyam (9) ka mga fire brigades ang maong alarma.
Hingpit nga nadeklarang fire under control kini 8:54 ug nadeklarang fire out pasado na alas 9:32 sa samang kabuntagon.
Walay natala nga naangol sa maong insidente.
Mikabat ang danyos sa maongpasilidad sa P11,520,600 diin dakong bahin sa hatchery building niini ang naugdaw.
Matod pa ni Fire Officer III Jopet B. Obiña, ang FIre Investigator sa Lapu-Lapu City Fire District nga padayon pa ang ilang imbestigasyon sa hinungdan sa maong sunog nga miulbo sa pasilidad.
