-- ADVERTISEMENT --
Gidakop ang 24-anyos nga lalaki sa estado sa Illinois nga nagpahinabog kasamok sa linya sa pagboto human nga gisumbag ang election judge, duha ka adlaw sa wala pa ang US presidential election 2024.
Giila kini nga si Daniel Schmidt, kinsang direktang gidakop sa mga pulis atol sa early voting.
Gipasakaan kini og duha ka ihap sa aggravated battery sa publikong lugar, usa ka count sa disorderly conduct ug lima ka misdemeanor counts.
Nahitabo ang insidente alas 11 sa buntag sa Orland Park dihang gipadala ang mga pulis sa buhatan sa lungsod, ingon man nga ang ubang tawo misuway usab sa pag-uwang sa kagubot.
