Masaligon si kanhi Presidente Donald Trump nga makabalik paglingkod sa White House.
Mao kini ang gipahayag sa 78-anyos nga Republican presidential candidate human kini mibotar sa polling booth sa Florida, USA, Nobyembre 5.
“It won’t even be close,” sumala ni Trump. “I feel very confident… I hear we’re doing very well everywhere.”
Matod pa niya nga sa iyang tulo ka kampanya sa pagkapresidente, mao kini ang iyang matawag nga “the best” campaign.
“I ran a great campaign. I think it was maybe the best of the three. We did great in the first one. We did much better in the second one but something happened. I would say this is the best campaign we’ve run” , dugang pa sa kanhi.
Ingon man nga nipadayag usab kini sa iyang kasuko sa gidugayon sa pag-ihap sa mga resulta sa eleksyon.
Bisan sa wala pa magbukas ang mga botohan sa US, aduna nay 80 ka milyon nga mga Amerikano nga nakaboto na base sa datos gikan sa Election Lab sa University of Florida.
Diin naglakip kini sa kapin sa 45 milyon nga miboto personal, samtang gibanabana nga 38 milyon ang mibuto pinaagi sa mail.
