Gipublikar sa Philippine Statistics Authority (PSA)nga mikabat sa 14.89 ka milyon nga late birth registrations nga gisumiter sulod sa tuig 2010 ug 2024.
Nigawas ang isyu human gipangutana ni Senador Risa Hontiveros atol sa deliberasyon sa plenaryo sa Senado ang General Appropriations Bill para sa 2025 niadtong Huwebes kon ang PSA nagpahigayon og audit sa birth certificates aron matubag ang posibleng mga abuso sa proseso sa pagparehistro.
Butyag ni Senador Grace Poe nga ang 14.89 ka milyon nga mgalae registration i-review aron mapamatud-an ang ilang katinuod, ug gidugang nga ang PSA karon nag-audit sa 50, 532 nga mgabirth certificate aron masuta ang peke ug mga iregularidad.
Nitataw ang Senador nga ang PSA naka-block na sa 1,627 ka mga kadudahang birth certificates nga nalambigit sa mga langyaw.
Lakip niini, mao ang 18 ka mga kaso ang gi-endorso sa Office of the Solicitor General (OSG) alang sa opisyal nga pagkansela.
Dugang pa niya nga manubag usab ang mga kakunsabo sa paghimo og peke nga birth certificates.
Isip kabahin sa mga reporma sa PSA, ang ahensya nanginahanglan na karon og mga hulagway ug biometric kauban ang birth registration aron mapalig-on ang pag-verify sa pagkatawo ug mahiuyon sa national ID system.
