Gipakita sa pambato sa Pilipinas nga si Chelsea Manalo ang “Hiraya” national costume sa preliminary round sa Miss Universe 2024 pageant sa Mexico City.
Diin ang unang Filipina-Black American beauty queen nagsul-ob sa bulawan nga national costume nga inspirasyon sa relihiyon sa Kristiyanismo ug Islam sa Pilipinas.
Nakakuha og atensyon ang bright blue train niini nga adunay imahe sa Black Madonna, ang Our Lady of Antipolo, nga usa sa mga relihiyoso nga imahe nga gidala sa PH kaniadtong 17th century gikan sa Mexico, nga nagsilbi usab nga host country sa Miss Universe karong tuiga.
Samtang, sa iyang headpiece kay silver ug bulawan ug naggunit ug 2 ka tradisyonal nga filipino hand-held fan.
Sa iyang IG account, gipasabot ni Chelsea ang kahulogan sa iyang Hiraya costume nga gimugna ni Manny Halasan isip simbolo sa lawom nga kasaysayan ug relasyon sa Pilipinas ug Mexico.
